etcetera 27/Letzte Dinge/März 07
GEDICHTLN
El Awadalla

di zigrädtn brin_ga di um
da schweinzbródn brin_gdti um
da schnóbbs bringdti um
da kafää bringdti um
es liin_g fuan feanzän bringddi um
sónxma dauand in feanzän

˜™

wauni hea
dawaöiri mid an tschigg
und an kafää mid an schnabbsa_rl drin
fuan feanzän liich nóchn essn
das wiidaramoi a so a xundheidsabosdl
mid sechzg en leffö óógeem hód
daun waasi
daasi ned óis glaum muas
wós in feanzän dazöön

˜™

es leem is gros
howi ma ollawaö fuagschdööd
so groos is es leem
daasi mas goaned fuaschdöön kau_n
howi glaubd
owa es leem is gaunz glaa_n
howi xään_g
wia ana dogleen_g is
mid an gaunz glan loch
in sein kobf
do is s aussegraöd es leem
es glane aus den winzichn loch
goaned zun sen_g woas

˜™

waun wea schdiabt
dengi wias is
waun i schdiab
es gschia wiari
ned ogwoschn hom
und iagendwen
wiari an hundada
schuidich seiⁿ

Lesen Sie weiter im etcetera 27/LETZTE DINGE Seite 58.

Biographie: El Awadalla

Geboren: 31.3.1956 in Nickelsdorf/Burgenland. Seit 1975 in Wien wohnhaft. Seit 2001 Vorsitzende.der ÖDA (österreichische DialektautorInnen). Mehrere Preise und Stipendien.
2006: wienerinnen - gesichten von guten und bösen frauen, sisyphus-verlag
2006: goarilla srilla. buch und cd. edition uhudlaA

Foto